1
سلام عليكم اصدقائي قصه اليوم '' مريض نفسي'' من اهالي ذي قار يكول اني اسمي فؤاد حبيت احجيلكم قصتي يوم من الايام كعدت من النوم لكيت نفسي بايدي سجينه وعليهه دم من شفته ارعبت وانصدمت وشمرته بسرعه بعدهه انتبهت انو ملابسي مغطايه بلدم واني مامفتهم شي من لصار وههاي السجين شجابهه لايدي فبسرعه فتحت باب غرفتي وتوجهت لغرفه'' امي وابويه'' لكن نصدمت من شفت المقبض مالت الباب عليه دم وهاذ الدم جان جاف يعني مر عليه وقت هنا اني خفت ورتعبت كلش جمعت طاقتي وبعدها بديت اصيح من وره الباب بدون مالزم المقبض مالت الباب صحت يمه يابه لاكن ماكو اي رد قررت افتح الباب وبلفعل فتحته وهنا جانت المفاجئه..... لكيت جثه ابويه مقطعه والجربايه (السرير ) مالته متروس دم فرتعبت وبديت اتنفس بصعوبه بقيت بهاذ الحاله او هاي الصدمه فتره من الوقت بعده قررت اتصل بلشرطه لاكن فكرت شويه وكلت اذا اجو لشرطه راح يتهموني بهاذ الجريمه لان ملابسي جانت متروسه دم ولسجين بعدهي بغرفتي زادت الحيرهه بدت نبضات كلبي تسارع لان بهاذ الاثناء ذكرت ققبل يومين بلضبط امي دخلت بجدال وي ابوي لان تريد تروح لبيت جدو تزورهم وابويه ميقبل وهيه تقريبا صاله فتره سنه مرايحاتلهم بعد جدال طويل ادخل اخويه الاكبر مني والي عمره 17 سنه وكدر يقنع ابويه وكله اني راح اروح وي امي فوافق ابويه ع هاذ الشي وراحو هنانه كلبي اطمئن شويهه لمن عرفت هلشي بس اذكرت ابويه ميت اني شسوي هسه فكرت شويه وكلت احسن شي اسوي انو اروح اذب ههاي ملابسي والسجين اذبها جوا لجربايه لي مات عليه ابويه فـ واني داغسل بلدم ال ع جسمي وع ملابسي فجٱه دك جرس البيت خفت كلش بس اتمالكت اعصابي لمن اذكرت انو عدنه كامره مراقبه فكلت خلي اروح اشوف منو الواكف بلباب من خلالهه لمن رحت اشوف تفاجأت لان شفت امي واخويه وسام الي هوا اكبر مني واكفين بلباب مباشرتا رحت بدلت ملابسي واخذت ملابسي العليه دم وخليته بسله الغسيل وغطيتها بمجموعه من الملابس حتا متبين بعدها اتجهت لمقبض الباب مالت الغرفه مالت ابويه وامي ونضفته بسرعه بعدهه اخذت قفل مالت الباب وقفلت الغرفه مالت امي وابويه وضميت المفتاح ولما اطمئنيت كلشي تمام ومكوشي اي شي ممكن ينشك بي رحت وفتحت الباب دخلو للبيت وارتاحو شويه واخويه راح لغرفته وامي اتجهت لغرفتهم لاكن لمن شافت الباب مقفول سئلت شنو السالفه ليش قافلين الباب فكتله يمكن ابويه لمن راحح من لصبح هوا قفل باب الغرفه لان البارحه شفته جايب ويا فلوس وكلي راح اخليهن بلغرفه موقتا واقفل لباب هنا امي ستغربت وسئلت زين هوة منينله فلوس كلتله ماعرف بس هوا كلي اكو فلوس بلغرفه وماكلي منين جابهن وشون جابهن امي ستغربت وكالت يلهه مو مشكله لمن يرجع نعرف شنو القصه بعدهه راحت للمطبخ علمود تطبخ الغده هنا اني قررت اروح لغرفه اخويه واكله بلصار ولمن كلتله الصار كام يضحك وكلالي كافي لاتشاقه وتمزح عوف ههاذ الشغلات حاولت اقنعه وكتله تعال وياي للغرفه ورحنه للغرفه وطلعت المفتاح كلالي زين انته مو كلت ابويه اخذ المفتاح ويا شجابه عندك فتحت البا واول من دخلنه للغرفه اخويه ارتعب وبده يصيح واني بلكوه لازم نفسي وبلكوه متماسك ............. واحنه اثناء دنقرر ونسولف شنو راح نسوي اتفاجئنه بوجود امي واكفه ورانه سئلتنه وكالت يمه شجاي تسوون هنا انتبهتلكم تمشون بشكل غريب وخايفين من شي فمشيت وراكم وشفتكم فتحتو باب الغرفه وبعدها امي نتبهت لوجود جثه ابويه ع الجربايه(السرير) وهوة ميت فـ مباشرتا ركضت ع تلفون وتصلت ع شرطه واول من كملت المخابره اخويه الجبير الـ هوا وسام اخذ السجين وطعنهه بصدرهاا وكعت ع الكاع وماتت اني هنا نصدمت وبديت اصيح وكلت انته شسويت ليش هيج قتلت امي رد عليه وكلالي لتخاف هسا اريدك تسمعني وتفهمني الشرطه جايه البيتنه بلطريق لازم نشرد بسرعه رديت عليه وكلتله ليش نشرد انته الكتلت امي واني كعتت ولكيت ابوي ميت فكلي اخويه ايي اذا سولفت هاذ الشي للشرطه مستحيل يصدكونك وخاصته وانته مخلي ملابسك الملطخه بلدم بلسله الغسيل صراحه كلامه قنعني فاخذت فلوس من فلوس ابويه وطلعت من البيت وبعد مرور ايام بديت اشتغل بمحل بقيت تقريبا شهرين او تلاثه واني اشتغل بهاذ المحل واموري جانت كلش تمام وتقريبا نسيت كولشي الئ ان تفاجئت وبدون سابق انذار اجتي الشرطه ودخلت للمحل والقت القبض عليه وخذوني مباشرتا لمركزهم لمن وصلت للمركز اجاني الضابط واول من شافني صيح بوجهي وصاح عليه باكثر من صوت مرعب سمعته بحياتي فكلي ليش كتلت امك وابوك ............. رديت عليه وكلتله اني ماقاتلهم ولا واصل الهم اصلان لاكن بعد من ضغوط منهم جددا كبير سولفتلهم القصه من اول ماكعدت من قتل اخويه الجبير امي لحد ما اني شردت من البيت كولشي سولفته الهم بعد بده الضابط يتناقش وي الشرطي الجان ويانه وطلب منه يجيبله فايل وجابله الفايل وبده يكلب بي ويقره