150
بسج يروحي شبيج ونه اعله ونه
مو كتلج ابنادم طين مابيه محنه
129
دورتك فرح وعيوني تبجي عليك
ومايوم بثمن بدموعي داعيتك
أني وياك رحنة وكلنة هسة نعود
وماتانيت روحي والله تانيتك
يل داخل بكلبي بغير دكت باب
وياباب ألوفه المايوم سديتك
يالحظةفرح والوكت كلةأحزان
وأني أحتاجك وبضلوعي دفيتك
دفنت أسرارحبك دفنة المكتول
وبنارالعشك ياذهب صفيتك.
124
بيه الجروح هوووواي ماتقبل تهيد
وانه ادري بيهن راح يلچمهن العيد
130
اغار عليك من كل بشر بالكـون
ولو بيــدي اضمّــك من العيـون
ملك انتة الــي ومتصيــر للغيـر
ردت تعرفني انة البيك مجنــون
من حبي الك صفنت هالحروف
صرت قاموس يرجعله اليحبـون
حرام عليــك لتخلينـــي محتــار
يظل هالحال ما اگدر انة شلون
هم تصدف واشوفك انة فد يوم
لو رايـد اظـل كل عمري مفتون.
92
شوكت تفرج علينه وبعد نرتاح
تعبنه من الحزن والنوح والون
عراقيين ماشفنه الفرح يوم
گضت هذااليموت وذاك منجن
مانعرف ذنب من هذا اليصير
وشنو ذنب الطفل بالعيد يدفن
وشنو ذنب الشباب بعمر الورود
ضحايا وبس صورهم باقيه المن
صفو بأرض النجف شبانه اليوم
ودمعي على المشو ماهاد ماعن
وحسرتي بقهر هي تفلش الروح
وتصيح الله وكبر ليش هالدم
......
يلم بيه الحزن ساعه ولم بيه
وعليكم گلبي يوجعني وألم بيه
الحزن تفصال ومخيط ...