شعر عراقي

اريد اصفه وي روحي وارد اراضيها واريد امسح غبار المارحم بيها واريد ازرع وارد بس كون جرحي يطيب ومحطات المشو ماريد امر بيها اريد ريل ياخذني اعله ديرة ناس وتوعد من صدك وتوافي تاليهه

حيــلــي اليــهد الـــكــاع مــن غيبــتك راح هسة امشي ست خطوات يوم اكعد ارتاح ــــــــــــــــــــــــــــــــــــــــــــــــــــــــــــــــــ

أهج وأبعد وأحن وأشتاگ ..والفاي وأشم ريحة عطر خدين ..والفاي يريحة هيل اصيح الويل كل الليل شوگي يسيل اذوبن بيك وبطاريك روحي.عليك تريد اشريك شمس اصبح لون ايريد ..والفاي حناني وكل كتر موجود بيه

الشامت يرد اليلي #بطواييف صحت وتريه والفي #بطواييف يلاهي ترضى اخمخم #بطواييف اعلى واحد من عبادك گطع بيه

إذا عندك سبب خلاك عني تروح كلي بياسبب خليتني أهواك

ربك من خلق حسنك نصف بيك وكلي بيا وصف نكدر نصف بيك فرح حبك/ ثلج جمرك/ ورد عطرك/ دهر فرك/ فلك طرك/ طلع حتى الكمر ماخذ نصف بيك واسمعه ايكول خل يصعد عليه!!!

يسألوني عليك هوايه شمات وأجاوب بلدمع بلكي يسكتون يكلولي حبيبك يرد هيهات شكل للناس عنك واليسألون تعال بكلبي صارت كومه شغلات وعلى حالي بجو حتى أليكرهون تعال ألعمر خلص بقن ساعات بعد يمته تحن لمن يدفــــــنون

خلص كلبي وبقه طاريك...# هلبات غفه حزن الدهر بحشاي...# هل بات يهل ماخذ دليلي وياك...# هلبت تمر وشوف حالي شصار بيه 💔😢

هيه غلطه وغلطة المخيط فتگ ناس بطرانه وتصدك بالعشگ شمالهه تنزل نفسهه اعلى الرخيص وهيه تدري النخله هيبتها العثگ

لا تعاشر صاحب بسرعه يخون ولا تخون بصاحبك طول العمر ولاتراوغ بلحجي ويا الصديق دوم خلي الصاحبك وسعة صدر الصداقه اخلاص وايمان وفاء مو مصالح تنتهي وبيها غدر اكو صاحب بلشدايد يفتديك مثل نسمات الهوى يمك يمر واكو صاحب مو وفي يجذب عليك طبعه طبع الظبع يحفرلك حفر .

- من حبيـت ♥ گتلـك بالعشگـ #مبخـوت صير ويـاي #يونـس وآنـه أصيـرن #حـوت #أمِّـن #لاتخاف #إِرتـاح حجّبـت النوايـا بـ ستر #بت_بيـوت أٓخرس والسوالف بيـك تنسـه #الصـوت آنـه ادري اليحـب لو #عـرس لـو #تابـوت

#حلو وكت الفرح بس وسفه ميعود بس الذكرى تبقى تعيد #ماضيهااا #أحلى ايام عشناها صفن #لحظات يخنكنة الدمع لو جبنه #طاريها.....

مشط و بشعر ناعم هيجي ماشي وياج 💋 حبيتج بخت بعناد كل شهوة ✋ و ابد ما دورت عزة نفس وياج🤝 اني كل شي بيه يروحلج فدة😍 ما اريدج و اريدج حرت و احتاريت🙃 العفتيني و البقيتني ثنينهن بلوة😔 من اشوفج عمري يخلص يوم يوم يضيع😭 و بنفس الوقت جن منولد توة😊

وين اليسر الكاه يا ربي و اتهون من ظيمي حته الشيب خضر بلعيون

ريت الله حط نيشان بس بل يخـونـون حتــى انعــرف مــن هــاي عنه شيكولون

المصايب كثرن وروحي ::::بعدهه تــون والـوكت افراحـي ::::بعدهه حــرت وحـتـار دلالــــي ::::بعدهه شمعد بجروحي زاد العدد بيـه

#بروحي ضميتك مثل #صرة عجوز البيهه…. #ضمت للزيارة… #اشكم فلس#

شحلاتك من تعاتبني ‏ وتكلي شعجب مامشتاك .. ‏لك مشتاك كد النفس ‏ لاموكد النفس كد الهوى ‏اليخنكني من اشتاااك

بعيوني اشوفك متصل مشغول وي غيري جنت

مبروك العشك كالولي مرتاح والضحكه بغيابي كلها تسمعها كالولي بكل دقيقه تطلع وياه وايده وي ايدك حيل لازمها واني بغيابك خلصت دخان بعمري ابد ماشارب بكدها حيل وياي اني الامنت بيك وطعنات الظهر ليهسه اخيطها

من كتلك حبيبك أني تعرفني "ردت ودك" "ودخيل الله" أحسك كاتب جنازة كد ما بي ثكل ردك! بجيت هواي من الناس جنت وياي صعبة اليوم وحدي وأبجي من عندك! الما سهران مرة وياك الما باجي بوفاة أمك الما ماشي وراك بطلعتك فد يوم عجيب شلون الك گرب؟ جنه ابيات شاعر نفترك نخرب! -

هــا يولفي ارتاح گلبك من مشيت بگد هوه #الله🔙 الشوگ بيه و#ماحچيت💔🚶

ذا زعلان كَلّي حتى اراضيك بس صعبه اليحب يزعل على روحه واذا قصدك عتب وتكَول ناسيك هم شايف بشر يتبره من روحه انتَ تعيش بيه شلون امر بيك ...لا تسأل بعد عله الجيه والروحه وعلى باب العشك تذكر واتانيك وتتأخر عليه و دمعاتي مفضوحه ومثل حال الطفل حالى من الاكَيك اشوف الدنيا عيد وانتَ مرجوحه

ابد ما عوف خلي .. وبره منه واحوكه احياكه دربه .. وبره منه جبتله الخيط مني .. وبره منه اريده يروف جرحي الصار بية

تحقق اماني جميع بحق الامام علي

اجر الجميع

عظم الله لكم الأجر

مو يتيم الما عرف أمه وأبوه بس يتيم الما عرف قدرك علي

ربنا اول ما خلق دنيه الحروف النقطه اول ما خلق ثم يلي و علي النقطه التي في البسمله يعني اول ما خلق ربنا علي هذا مو يعني انخلق قبل الرسول الرسول القلم بي كتبو علي بماي تتوضه الخلگ وكت الصلاه و من يصلي الماي يتوضه بــ علي

شارع المابيه علي لاتمشي بيه تلگه الله بكبره مادايرله بال..

ماكو أَكرَم مِن عَلِّي بِهٰذا الوجود الكَعبَة بِي طلكَت وَجابَت هَل الوَلي حَتَه نِكطَع دَابِر الشَّك وَالنِقاش لازِم الكَعبة نسَميها أُم عَلِّي

كل دگة گلب تكسر ضلع بألروح وأحسب بألدقيقه شكم ضلع تكسر غلبني الوجع مره وگلت انام الليل اجيت انت بمنامي تكسر وتجبر اليشرك بألنفس شيفيد شرب الماي لو يشرب نهر كل گطره ما تعبر .

ماشي بطريق العمر خلصت حياتي #اوهام شما اسئل أعله الفرح كالو بعد #كدام شفت الا قارب صفر كثره وضحكهم #سام وشفت الصديق الوفي للضهر خوش #حزام وعمري لگضه بلا وزن للطلع وزنه #غرام وبيت الحزن من حجر وبيت الفرح من #جام التحسبهم سيوف الك طلعو عليك #سهام مو چنه هذيج البشر لا بالحقيقه #اصنام

• لاتكسر غصن كدام اي عصفور 💔 • لآن من عينه توكع هيبه الشجره 🥀

صبرت هواي شصبر بعد ::::::::لاميت الطيور براسي حته عشوش :::لاميت صرت لاني بجفاكم عدل ::::لاميت انوح...ولامحب...ينشد...عليه

غربلهم عدل وأعرف نوايا الناس.. تره الصحبه فعل موبس سوالف.. ريض بالربع حت لو يجوك بطيف.. إذا مو مثل طينك.......لاتوالف.... وأحذر لايغرك حجي الناعم دووم.. التطعنك والتحب نفس ااالشفايف.. خاوي الخام الأبيض وأنكر الملثوك.. القصر مذموم بعيون...الصرايف... واصبر لاتهم خلي الوكت غربيل.. المعدل يبين.............بالمواقف...

ألمـا يجـر #حـسره بحياتـه لا يسولـف ع #العشـگ ألمـا عـاش فـرگـة #محب 💔 هـذا مـا #عاشــک_صــدگ. 😔💔

لاتلچم جروحي ترى يشورن بيك،، لان اول جرح شديته بالعباس،،

عليك برووووح هجرك.......هم آمر ع البال لو غيري يمر اعلى بالك كل ساعه

اكــو نـاس اتــعوفهم تـرتاح منهم نـاس ضلتهم حـمل اكـو نـاس اطيوفهم تـكعد ابـراسك مــثل خرخاشه ابـحجل

حبيبي بغيم هجرك تعرف شصار زعل دنياي مطرت بس شماتة

كعد يمي طفل يسمعني اسولف بيك ســمع مني القليل وكام شــايب

بغيابك كسرت هواية رجلين ياهو أليمر بدموعي يتمزلك

تملكنا الحيرة حين نحاول ان نختار بين انتظارهم او نسيانهم فأن كان الانتظار مؤلم,,,فالنسيان لا يرحم

هنيالك غفيت بدون حسره واه وانا الحاضن دمعتي ونايم ابحسره